Bullying pelikula

Oraingo honetan, "Bullying" pelikulari buruzko trailea usten dizuet. Modu honetan, agian, inoiz pelikula ikusteko gogoak pizten zaizkizue.  Film honek, 2009an egin zuten Josecho San Mateo zuzendaria zelarik.

Zertaz doa?

Jordi, 15 urteko gazte bat da eta bere amarekin bizi da bere aita hil egin delako. Hori dela eta, hiriz aldatu egiten dira bizitza berri bat hasteko asmoarekin. 

Hasiera batean, dena, normaltasunez joango da baina instituto berria hasi eta bere bizitza osoa infernua bihurtzen da. Izan ere, egunero, tratu txarrak jasoko ditu.

Pelikula honek, lehen hezkuntzako ikasleei zuzenduta ez dela egon behar uste dut, izan ere nahiko gogorra izan daiteke adin horretako ikasleentzat. Baina derrigorrezko bigarren hezkuntzan ikusteko egokia iruditzen zait. Modu honetan, tratu txarrak jasotzen dituen norbaitek egotekotan, zer egin behar duen eta zer ez duen egin behar ikasi ahal izango du. Honekin batera, agian, erasotzaileren bat baldin badago, egiten duen minaz ohartuko da.

Ikasleentzako testa

Beheko partean jarri dudan link-an, irakasleek haien eskolan bullying-a ematen den ala ez jakiteko lagungarria izan daitekeen test bat agertzen da. 

Gainera, testa anonimoa denez, ikasle batek tratu txarrak jasotzen baldin baditu edota norbaitek tratu txarrak jasotzen dituela ikusten duen norbaitek, agian, ausartuko da egia esaten, esan dudan moduan, izena esan behar ez duelako. Erasotzailearen kasuan, uste dut, ez duela aitortuko  tratu txarrak ematen dituela. Hala ere, ariketa hau oso interesgarria iruditzen zait, modu honetan, zer edo zer egotekotan jakingo duelako irakasleak eta lehengo urratsa emateko garrantzitsua izango litzateke. 

Horrelako ariketa bat egin aurretik, irakasleak ikasleekin bullyingari buruz hitz egitea aproposa izan daitekeela uste dut. Izan ere, irakasleak egia jakin nahi baldin badu, nolabaiteko konfidantza sortu behar du haiek haien sentimenduak zabaldu ahal izateko. 

Testa lau zatitan banatuta dago.

1. Lekukoak zelan ikusten dituen biktimak.
2. Biktimak zelako jarrerarekin ikusten dituen bere klasekideak.
3. Erasotzaileak zer egiten duen.
4. Bullying-aren inguruko zenbait galdera.

Testa nolakoa den hobeto ulertzeko, sartu web-orrialde honetan:

http://es.scribd.com/doc/16740248/Encuesta-Inicial

Irakasle batzuk erasotzaileak

M1nutouno-ren web orrialdean ikusi dudan moduan, 2012ko irailaren 6an, ikasle batek bere irakaslearengandik tratu txarrak jasotzen zituela azaltzen zuen albistea igo zuten.

Washingtoneko eskola bateko irakasle batek, John Rosik, bere ikasle batzuen laguntzarekin,  13 urteko ikasle bat jo zuen eta umearen azpiko arropa ahoan sartu zion, orain dela pare bat hilabete. 

Honen aurrean, irakasleari jarri dioten zigorra, eskolara bi astez ez joatea izan da. Hori dela eta, gurasoak  kexatu egin dira, baina ez diete kasurik egin. Rosik, bere burua defenditzeko asmoarekin, bullying-a ez dela esaten du. 

Umeak, bere gurasoei aitortu die, bere buruaz beste egin nahi duela.

Albiste honetatik bi gauza dira gehien harritu nautenak.

Alde batetik, irakaslearengandik tratu txarrak jasotzea ere sinestuezina iruditzen zait. Baina zer irakatsi nahi diegu gure ikasleei? Irakasleek haien ikasleak jotzeko eskubidea dutela uste dute? Ezin dut sinestu!! Argi eta garbi dago, gaur egun beste garai batean bizi garela. Lehen, agian, irakasleak inoiz ikasleak jotzen edota gainerakoen aurrean gutxiezten zituzten. Izan ere, irakasleek autoritate osoa zuten. Baina, gaur egun, suposatzen da gauzak aldatu egin direla. Hala ere, horrelako kasu bat ikusita, ea benetan aldatu diren edo oraindik ere, zer edo zer geratzen den galdetzen diot nire buruari.

Beste alde batetik, ezin dut ulertu zelan jartzen dioten zigor hori. Ez dakit zelan onartu egiten diren horrelako egoerak. Izan ere, zigor horrekin, irakasle horrek berriro egiteko aukera izango du.

Uste dut, ikasleek irakasleari errespetua izan behar dion bezala, irakasleak bere ikasleei errespetua izan behar diela. Izan ere, irakasleak, ikasleen gurasoekin batera, umeentzako jarraibidea izan behar da.

Nik, zigorra jarri dioten pertsonen kasuan egongo banintz, kargutik botako nuke eta berriro irakaslea izaten ez nioke utziko.

Irakasleentzako gida

Behean jarri dudan web orrialdean Kanariaseko gobernuak, bullying-a ematen den egoeretan, irakasleek zer egin dezaketen jakiteko lagungarria den gida daukagu. 

Gida honen bitartez, irakasle batek bullying-ari buruzko ondorengo puntuak jakin ahal izango ditu:

• Zertan datza?
• Ezaugarriak zeintzuk dira?
• Non ematen da batez ere?
• Zeintzuk dira eragileak, sintomak?
• Zer nolako portaera du tratu txarrak jasotzen dituenak?
• Zelan jokatu behar du irakasle batek (erasotzailearekin, tratu txarrak jasotzen duenarekin, bakoitzaren familiarekin..)
• ...

http://www.gobiernodecanarias.org/educacion/dgoie/publicace/docsup/guia_acoso.pdf

Gure gertuko ingurunean bullying-eko egoerak ematen dira eta askotan ez dakigu zer den egin behar dugun gauzarik egokiena, hau da, zelan jokatu behar dugun antzematen den arazoarekin bukatzeko. Askotan, komunikabideetan horrelako egoerak ikusten ditugunean, argi eta garbi ikusten dugu zer den egin behar dena, baina gero, guri gertatzen baldin bazaigu guztiz blokeatuta geratzen garela uste dut, hau da, zer egin jakin barik. Gida bat gure eskuetan edukiz, pixkanaka-pixkanaka hobetzen joango garela pentsatzen dut. 

Hori dela eta, interneten bilatzen eta bilatzen aritu eta gero, Kanariaseko gobernuak eskaintzen duen irakasleentzako gida hau zuei ere jartzea komenigarria eta garrantzitsua dela iruditu zait. Modu honetan, esan bezala, irakasleak direnak eta izango garenok, gai honen inguruko informazio gehiago barneratuko dugu eta ziur nago, zoriotxarrez, egun batean aplikatu behar izango dugula. 

Honekin amaitzeko, azpimarratu nahi dut, gurasoen, lagunen... laguntza ere ezinbestekoa dela eta nahiz eta gida hau, batez ere, irakasleentzat zuzenduta egon, familiarrek ere ikustea, irakurtzea... komenigarria izango litzateke. 

Disneyko pelikulak lagungarriak

Maria Jose Lerak, "Los cuentos como prevención de la violencia escolar" idatzitako lana irakurri izan dudanean, arreta piztu didan gauza bat ikusi izan dut.

Berak dio, "La bella y la bestia" filma, hainbat irakasleengandik aukeratua izan zela, klasean bizikidetza lantzeko asmoarekin. Izan ere, pelikula honeta, tratu txarrak ere antzematen dira.

Alde batetik, Gaston dago. Honek, herriko burua da eta bere helburua herritarrengandik bereiztea denez, behin eta berriro besteak makurtzen ditu gainerakoen aurrean. Pertsonai honetan, autoritarimoa, larderia, biolentzia fisikoa, hitzezkoa, soziala eta beste horrelako beste hainbat ezaugarri antzematen dira. 

Bellaren kasuan, neska honen pertsonaia, ausarta, defendatzailea... da. Ez dio inolako beldurrik Gastoni eta nahiz eta honek berarekin ezkondu nahi, neskak berarengandik independiente geratzea lortzen du. 

Bestia alde batetik biktima da eta beste alde batetik, erasotzailea. Pertsonaiaren mina eta bere fisikoa ez onartzeagatik sortzen zaion biolentzia lotzen dira. Bestiaren kasuan ikusi daiteke, jendeak zelan onartzen duen aldaketa jasan eta gero. Hori dela eta, adibide honen bitartez, ikasleei transmititu nahi zaiena honako hau da: haien portaera aldatzen baldin badute, gainerakoengandik errespetatuak sentituko dira. 

 Horrelako ariketak eskolan lantzea oso egokia iruditzen zait. Izan ere, Disney-ko pelikulak ikasle guztiek, edo behintzat gehienek, ikusi izan dituzte eta modu honetan, haien errelaitatearekin lotura bat sortzeko errezagoa izan daiteke. Hau da, Gastonen, Bellaren edota Bestiaren jarrerak ikusita haien inguruko pertsonekin erlazionatu ahal izango dituzte. Modu honetan, jarrera bakoitzak zer ondorio dakarren ikusi eta haien bizitzan nolakoa izan nahi duten aukeratu ahal izan dute. 

Gainera, ariketa honek, irakaslearentzat lagungarria izan daiteke ikasleek Gastontzat, Bellatzat edo Bestiatzat haien inguruko nor hartzen duten jakin ahal izateko. 

Hezkuntza Sailak bullying-ari aurre egiteko protokolo bat sortu du.

eitb web-orrialdetik ateratako albistea

Euskal Autonomia Erkidegoan,16 urte arteko euskal ikasleen %17k diote nolabaiteko tratu txarrak jasan dituztela inoiz.

2010ean eskola jazarpena izan zitezkeen 90 kasu antzeman zituzten euskal ikastetxeetan, haietatik 33 ziurtatu ziren eta hala bideratu zituen Hezkuntza Sailak.

Azken urteetan eskola jazarpena larritu egin da Internetekin, gero eta gehiago dira sare sozialekin edota mugikorren bitartez jazarpena jasaten duten gaztetxoak.

Arazo honi aurre egiteko Hezkuntza Sailak protokoloa aurkeztu du. Ikastetxeen esku utzi du eskola jazarpenaren kontrako gida. Bertan, Irakasleek, ikasleek eta familiek kasu bakoitzean zer egin behar duten azaltzen da.

Ciberbullying-aren aurka prestatu duten gida aitzindaria dela dio Hezkuntza sailburuak. Baina jazarpen era berri hau antzemateko eskola ez dela nahikoa gogoratu die Celaak familiei eta oso adi egoteko eskatu die.  

Euskal Autonomia Erkidegoan, 16 urte arteko euskal ikasleen %17k nolabaiteko tratu txarrak jasan dituztela irakurrita, ez duzu pentsatu agian, zure familiar batek ehuneko horren barruan egon daitekeela edo sartuta egon dela inoiz? Horrela bada, kasuan esku-hartzeko gogoak izango dituzu ez?

Uste dut, ezinbestekoa dela familiarrek ere adi egotea eta parte-hartzea. Argi dago, irakasleek eskolan dauden pertsonak direla eta hortaz, eskolan gertatzen den arazoetaz erne egon behar direla, horiekin amaitzeko. Baina, aipatu dudan moduan, gurasoen laguntza ere, garrantzitsua iruditzen zait, bai biktimaren gurasoena, baita tratu txarrak ematen dituen pertsonarenak. 

Hezkuntza Sailak horrelako protokolo bat aurkeztea oso egokia iruditzen zait. Izan ere, askotan, ez dakigu zer egin behar dugun, edo zein den ekintzarik egokiena... gertatzen den arazo horri aurre egiteko. Hori dela eta, oso lagungarria iruditzen zait eta honek, nolabaiteko esperantza pizten duela pentsatzen dut. Hala ere, nire esperientzian oinarrituta aitortu behar dut, uste dudala nahiz eta protokolo horretan, ikasleek egin behar dutena zer den agertu, gero bullyinga jasotzen duten ikasle gehienek, zoritxarrez, ez dutela praktikan jarriko. Izan ere, pertsona hauek, beldur dira, ez dira ausartak... Hori dela eta, pentsatzen dut, lehenengo pausuak irakasleek eta gurasoek eman behar dituztela. 

Espero dut proiektu honek gauza positiboak ekartzea eta alferreko gauza bat ez izatea.  

Amanda Todd bullying-aren beste biktima bat

Hurrengo albistea Deia digitalean  azaldutakoa da.

Amanda Todd, Kanadan bizi zen 15 urteko neska, bere buruaz beste egin zuen orri sozialetan, institutuan... jasotako bullying-a dela eta. Gertaera honek gertatu baino hilabete bat lehenago, Amandak, youtubera berak egindako bideo bat igo zuen. Bideo honetan, laguntza eskatzen zuen eta horretarako gertatzen zitzaziona kontatzen zuen. 

Horrelako egoerak askotan gure hurbileko ingurunean gertatzen dira eta ez gara konturatzen. Gainera, sarritan, ez gara konturatzen konturatu nahi ez garelako, begiak irekitzen ez ditugulako. Hori dela eta, nire ustez, lehenengo eta behin ohartu egin behar gara horrelako gertaerak gugandik hurbil ere gertatu egin ahal direla eta horretarako, jakin behar dugu azkar esku-hartu behar dugula Amanda Todd-ren kasuan gertatutakoa ez gertatzeko. 

Horrelako albiste bat irakurtzean burura etortzen zaidan galdera honako hau da: Zelan egon behar zen Amanda Todd bere buruaz beste egoteko?

Pentsatu, zuek ere, zelan egon behar den pertsona batek bere bizitzarekin amaitzeko. Ez dut ulertzen zelan egon daitezkeen hain gaiztoak diren pertsonak, ezin dut ulertu!!! Haiek ez zuten ikusten neska honi egiten ziotena?? Seguru nago Amanda Todd bere etxean negarrez zegoen bitartean hauek ez zutela haien bizitzako minutu bat ere ez galtzen neska honetaz pentsatzen. 

Nire amak esaten zidan bezala: "Ez egin besteei besteek zuri egitea nahi ez duzuna". Uste dut ikasle horien gurasoek ez zietela horrelako edo antzeko esaldirik esan haien seme-alabei. 

Hemen Amandak egindako bideoa usten dizuet.

ONGI ETORRIA!!

Bideoak sartzen

Hemen  nire lehenengo bidea sartuko dut.